आपल्या जिवाची पर्वा न करता ऊन, वारा, पाऊस असो अथवा सियाचीन सारखा बर्फाच्छादित प्रदेश असो जंगल दऱ्याखोऱ्यात देशरक्षणासाठी सीमेवरती उभ्या ठाकलेल्या सैनिकांना टोलनाक्यावरती मिळणारी अपमानास्पद वागणूक लक्षात घेऊन भारतीय राष्ट्रीय महामार्ग प्राधिकरण (NHAI) च्या वतीने भारतीय सैनिकांना टोल नाक्यांवरती सलाम (सॅल्यूट) करण्याचा आदेश टोल नाका स्टाफ ला देण्यात आला आहे. भारत देश सोडला तर अन्य देशांमध्ये देशरक्षक आणि शिक्षक यांना व्ही आय पी दर्जा देण्यात येतो त्याउलट भारतामध्ये सैनिकांची अवहेलना करण्यात येते. भूदल (आर्मी), नौदल (नेव्ही) तसेच वायुदल (एअरफोर्स) या भारतीय सशस्त्र दलामधील मधील मातृभूमीचे आणि तमाम भारतवासीयांचे रक्षण करणाऱ्या सैनिकांना भारतीयांकडूनच अपमानास्पद वागणूक मिळत असेल तर त्यांनी देशसेवा करावी की करू नये असा प्रश्न उपस्थित होतो. एखादा सैनिक रेल्वेने प्रवास करत असला तरी त्याला रेल्वेच्या पॅसेज मध्ये खाली बसून प्रवास करावा लागतो परंतू भारतीय नागरिक आरामात बसून प्रवास करत असतात मग त्या सैनिकांनी नक्की आराम कधी करायचा? रात्री-अपरात्री एखादा टिकेट चेकर समोरचा व्यक्ति फौजी आहे सैन्यदलातील आहे हे माहित असून देखिल त्याच्याशी उद्धटपणे वागतो, अपमानास्पद वागणूक देऊन एका डब्ब्यातून दुसऱ्या डब्ब्यात पाठवतो तेथेही एखादी रिकामी अथवा बसण्यापूरती जागा असेल तरीदेखिल तेथिल लोक त्याला उठवून लावतात हे अनेक वेळा अनुभवलेले आणि मी पाहिलेले आहे. कोणत्याही शासकीय अथवा निमशासकीय कार्यालयात एखादा सैनिक वैयक्तिक कामासाठी ड्युटीवरून वेळ काढून गेला तरी त्याचे काम वेळेत पूर्ण होत नाही. सैनिक जर ड्युटीवर तैनात असेल तर त्यांच्या कुटूंबियांना जमिन अथवा घराच्या वादातून नाहक त्रास मिळत असतो. एक भारतीय या नात्याने प्रत्येक सैनिकाला मान सन्मान मिळायला हवा. इतर राष्ट्राप्रमाणेच भारतामध्ये देखिल शिक्षक व फौजी यांना व्ही आय पी दर्जा मिळायला हवा तरच देशासाठी जीव द्यायला अनेक तरून युवक देशरक्षणासाठी भारतीय सैन्य दलात भरती होतील.
असो National Highway Authority of India च्या वतीने टोलनाक्यावरील स्टाफ ला तसे ट्रेनिंग देण्यात येणार असल्याचे NHAI चे चेअरमन मा.दिपक कुमार यांनी सांगितले अाहे. जर भारतीय सशस्त्र सैन्यदलाचा सैनिक टोलनाका क्राॅस करून जात असेल तर त्याला मार्क आॅफ रिस्पेक्ट अर्थातच सॅल्यूट करण्याचे आदेश देण्यात आले आहेत. त्याबद्दल NHAI चे हर्दिक आभार. प्रत्येक क्षेत्रात सैनिकांना असाच मानसन्मान मिळावा ही एक भारतीय भारतीय नागरिक या नात्याने प्रामाणिक अपेक्षा.
जय मल्हार॥ जय अहिल्या॥ जय यशवंत॥
*✍️नितीनराजे अनुसे✍️*
अनुसेवाडी ता.आटपाडी जि.सांगली
+९१७६६६९९४१२३
nitinrajeanuse123.blogspot.com
No comments:
Post a Comment