स्व बी के कोकरे साहेबांची विचारधारा

     

क्रांतीसुर्य स्व.बी.के.कोकरे साहेबांची विचारधारा

          ज्या माणसानं स्वताच्या आयुष्याची राखरांगोळी करून महाराष्ट्र राज्यातील अखंड धनगर समाजाला जागं केलं, स्वाभिमानानं आणि वाघासारखं जगायला शिकवलं आणि आमच्या सारख्या युवकांच्या हातात क्रांतीची मशाल दिली ते माझे आदर्श, धनगर समाजाचं आराध्य दैवत, धनगर आरक्षण चळवळीचे जनक, प्रस्तापित व्यवस्थेला भिडून त्यांच्याशी लढून धनगर समाजात क्रांती करून जाणारे असे क्रांतीसुर्य स्व.बी.के.कोकरे साहेब यांच्या जिवनावर मी लिहलेले पुस्तक आज पुर्णत्वास आले त्या स्व.बी.के.कोकरे साहेब यांच्या जीवनचरित्रातील माझी ही एक भावपूर्ण कविता क्रांतीसुर्य स्व.बी.के.कोकरे साहेब यांना प्राणपणाने अर्पण...

-नितीनराजे अनुसे (लेखक व व्याख्याते)

तुम्ही झटला अन् झगडला सामाजासाठी,

ना स्वार्थासाठी लढला ना सत्ता-संपत्तिसाठी,

बी के साहेब तुम्हीच जागविला अखंड समाज सारा,

साहेब आज समाजात पेरतोय मी तुमचीच विचारधारा.

अन्यायाच्या विरोधात तुम्हीच आसूड उगारला,

प्रस्थापितांच्या विरोधात तुम्हीच लढा पुकारला,

आकाशाला गवसणी घालणारा असा 'वादळ-वारा',

साहेब आज समाजात पेरतोय मी तुमचीच विचारधारा.

जागृत केला समाज तेव्हा पेटून उठू लागला

म्हणून प्रस्थापितांना तुमचा द्वेष वाटू लागला

झाला प्रचंड दबदबा आणि वाढला तुमचा दरारा

साहेब आज समाजात पेरतोय मी तुमचीच विचारधारा.

जातीसाठी माती खाणारे तुम्ही ठरलात खूप  महान

लाचारीला झिडकारून समाजात जागविला स्वाभिमान

समाजासाठी लढणारा तुम्हीच एक तेजस्वी अंगारा

साहेब आज समाजात पेरतोय मी तुमचीच विचारधारा.

स्वाभिमानी विचारांनी पेटविला होता तुम्ही भडाका

अन् प्रस्थापित घराणेशाहीला दिला होता तुम्ही तडाखा

नाही कोणी जन्माला येणार तुमचे विचार संपविणारा

साहेब आज समाजात पेरतोय मी तुमचीच विचारधारा.

तुमच्यावरती केला शारिरीक आणि मानसिक हल्ला,

मग समाजातील संधीसाधूंनी मारला सत्तेवर डल्ला,

आज नसूनसुद्धा तुमच्याच नावाचा वाहतोय वारा

साहेब आज समाजात पेरतोय मी तुमचीच विचारधारा.

जय मल्हार!! जय अहिल्या!! जय यशवंत!!

         -नितीनराजे अनुसे

अनुसेवाडी ता आटपाडी जि सांगली

         +९१७६६६९९४१२३

Email:- nitsanuse123@gmail.com